2015/10/21

HEZKIDETZA IKUSPEGI BERRIA (Hausnarketa)

Hezkidetzaren definizio bat bilatzerakoan hainbat ideia etortzen zaizkit burura. Esate baterako “paradigma hitza” “ikuspegi berria”  “identitatearen eta nortasunaren garapena”  “askatasuna, elkartasuna eta parekidetasuna” dokumentuan irakurri egin ditut,... .

Ideiak anitzak dira baina argi dago HEZKIDETZA,  hezkuntza ulertzeko, bizitzeko eta ekiditeko ikuspegi berria da. Zergatik berria? Orain daukagun paradigma edo ikuspegiak  pertsonen garapen integrala ez duelako bermatzen.

Heziberri 2020n aipatzen den konpetentzien artean, Norberaren autonomiarako konpetentzia dago,  “izaten jakin” hain zuzen . Testuan aipatzen den bezala lehenengo eta behin argi izan behar dugu zer den  “IZATEN JAKITEA” eta argi dago gaur egun daukagun eredua Gizonezkoen ereduan eta femenino-maskulino dikotomian dagoela oinarrituta. Beraz IZATEN JAKITEA benetan ASKATASUNEAN oinarrituriko ideia izan behar da, bai gizonen, bai emakumeen alderdi ON guztiak batuz “GIZA GARAPENA” bultzatzeko eredua bihurtze duena, genero-estereotipo sexistarik kanpo, noski.

Heziberrin orain aipatzen den metodologia "Pedagogia de la integración" horren barruan,  aurreko ideiak kontuan hartu beharko genituzte. Esate baterako, "problema egoerak" eta "integrazio egoerak" azaltzen diren metodologia berri horretan ikasitako konpetentziak aplikatuz, IZATEN JAKIN, konpetentzia hori, adibidez, sexismo egoera baten aurrean garatzeko aukera izan dezakegu.  

Hainbat ikerketetan aipatzen den bezala, egia da, oraindik eskolak genero estereotipoak eta sexismoa transmititzen dituela, hori dela eta ezinbestekoa egiten zaigu EREDU honen APURKETA egotea EREDUA BERREGITEKO.

Apurketa hau nahiko zaila izaten da “Genero Konzientziarik” ez dugulako garatu eta horren ondorioz erresistentziak aurkitzen ditugu. Hori dela eta, hezkuntzan hezitzaileei zuzendutako sentsibilizazio eta prestakuntzak ezinbestekoak direla konturatu behar gara.

Nire ustez,  Hezkidetza kontzeptua ondo ulertzeko dokumentuan aipatzen diren 10 argibideak hasiera hasieratik buruan sartuta izan behar dugu. Aipagarria izan behar da Hezkidetzaren gaian guztiok ardura daukagula baita Eskolak eragile esanguratsua dela.
Nik hortik hasiko nintzateke. 

Hurrengo pausua Prestakuntza izan beharko lukete, batez ere, ereduarekin apurketa bat sorrarazteko, ez bakarrik sentsibilizazioa egiteko, baizik eta aurrera pausu bat emateko eredu berriak eraikitzeko helburuarekin.

Eta noski, amaitzeko ezin dugu ahaztu bide honetan bakarrik ez gaudela, bai gure inguruko Aliatuak, Mintegiak eta noski sare sozialen aukerak aprobetxatu behar ditugu bide berri hori eraikitzeko eta benetan ESKOLA ERAGILEA BIHURTZEKO.

Aurrerapenen artean poliki poliki bisibilizazioak garatzen ari direla aipatuko nuke. Sare sozialei esker jendeak mezu sexisten kontra altxatzen ari da eta bide batez konzientziarik ez daukatenak begiak zabaltzen ari dira.

Hala ere oraindik bide luzea dugu aurrean. Izan ere nire inguru pertsonalean (bi ume txiki ditut) lan handia egiteke dago. Hauek dira nire bost arrazoiak:
  • Oraindik nire ingurukoen artean etxeko egin beharren pisu handiena emakumeen eskuetan dago.
  • Neska txikiei "edertasuna" eta femeninoarekin lotuta dauden estereotipoak bultzatzen direlako (printzesak, frozen, margotu apaindu polita egoteko, takoi zapatak,...)
  • Jolasak oso desberdinduta daudelako eta txikitatik neskak eta mutilak talde desberdinetan aritzen dira.
  • Mutilengan dagoen futbolaren presio soziala
  • Normaltzat hartzen direlako oraindik sexismoan oinarrituriko txisteak eta bromak, bai gizonengan, bai emakumeengan.

Beraz jarraituko dugu lanean, UMOREA, ahaztu gabe, noski!!



iruzkinik ez:

Argitaratu iruzkina