Feminismoaren borrokaren ondorioz lortu direnak…
- Bozka emateko eskubidea dugu;
- Nahi ditugun ikasketak burutzeko eta desio dugun lanbidean aritzeko eskubidea dugu
- Abortatzeko eskubidea dugu; eta sexualitatean askatasuna; antisorgailuak, desira askea eta harreman askeak izateko aukera.
- Eremu desberdinetan parte hartzeko eskubidea dugu; Sozio-politika, kultura, kirolak, arteak,…
- Berdintasun legala. “Pertsonala politikoa da”.Kate Millet
Lortzeko falta direnak…
- Emakumeen kontrako indarkeria DESAGERTZEA
- Lanbideetan berdintasun ekonomiko
eta baldintza parekide duinak izatea.
- Botere harremanak desegin eta
menderatzaileak diren jarrerak, joerak eta inertziak desegitea.
- Feminismoaren historian egondako
borrokak eta lorpenak ikusgarri egitea eta emakume erreferenteen goraipatzea
- Eremu desberdinetan partehartzen
duten emakumeen lorpenen aitortzak.
- Hezkuntza hezkidetzailea: hezgarriak
diren eremu guztietan; etxeetan, eskoletan, kalean, musika-eskoletan, igerileku
eta kiroldegietan,…
Hezkuntza proposamenak...
- Eskola komunitatea osatzen dugun ororentzat jabekuntza feminista eskolak eskaintzea
lehen urratsa. (Dozente, ez-dozente eta gurasoentzat). Hezitzen ari garenon
kontzientzia garatzea ezinbesteko urratsa baita.
- Emakumeen kontrako indarkeria DESAGERTZEKO
urratsak ematea. Eskola curriculumean programa bereziak atxikitu eta etapa
guztietan parekidetasuna helburu izango duten unitate didaktikoak integratu, indarkeria mota guztiak barne harturik;
fisikoa, psikikoa eta sinbolikoa. Azken honekin egunero-egunero topo egingo
dugula onartu eta hausnarketa eremuen bidez autoebaluaketak eta inguruaren
behaketen bidez desikasteko zubiak eraiki.
- LANBIDE AUKERAKETA ASKEA dagoen arren, ikasleak
egungo errealitate gordina zein den eta horren inguruan kritikoki jokatzen trebatzea.
(batik bat, Batxilerreko ikasleekin egin liteke zuzeneko hausnarketa eta
lanketa; jendartea eraldatzeko, begirada feminista garatzea ezinbestekoa da;
non ikasleen pentsamendu kritikoa aberastea
izango dugun helburu.
- Sozializazioa aro guztiei erreparatu, eta
errekurtso egokiak eskaini. Harreman parekideak sustatu, eta ezinbestekoak
diren esku hartzeak egin; espazioen berrantolaketa, irakasleen jarreren
azterketa eta eraldaketa, hizkuntza sexista sustatzen dutenak desegitea,
eskola-ereduak ez-sexistak eskaintzea, …
- Boterean
oinarritzen diren maitasun harreman heterosexisten ideia desegin eta harreman
parekideak izatea da feminismoak agertzen digun beste ideia bat, hau da,
bakoitzak nahi duen eran nahi duena maitatzea. Eskolaren eskuhartzea haur
hezkuntza etapatik (harremanak eraikitzen hasten diren lehen sozializazio
arotik) nerabezaroa arte etapa bakoitzak berean dakartzan ezaugarriei eustea
eta horietan esku hartzea; Maitasun erromantikoaren kontzetuari indarra kendu,
eta maitatzeko era desberdinetan trebatzen laguntzea du erronka. Famili eredu
tradizionalaz eskaintzen ditugunak berraztertzea ezinbestekoa da baita eredu desberdinak ikusgarri egitea ere; ama
edo aita ez diren emakume zein gizonak; bikote harreman anitzak (gizon-gizon, emakume-gizon,
emakume-emakume), ama edo aita “solteroak”,
... Maitatzeko era natural eta
parekideetan trebatu eta zoriontasuna, norberaren erabaki askeak hautatzeko
bidea dela erakutsiz.
- Mugimendu feministek lortutakoak agertzea,
txalotzea eta egungo jendartean suposatu
duten aldaketen berri izatea; era berean, horiek lortuta ere, egungo jendartea
patriarkatuan oinarritzen dela ulertzen erakutsi behar du eskolak, non berdintasuna
bermatzeko jendartearean hutsuneak aztertzen trebatu eta eraldaketak egiteko
kritikotasuna sustatzea izango duen helburuetako beste bat.
- Feminismoak nolako emakumea izan nahi dugun
erabaki ahal izatea eta munduan nolako posizioa nahi dugun hautatu ahal
izatearen ideia agertzen digu; beraz, eskolan aukera libreak eta jarrera
askeetan trebatzea oso garrantzitsua iruditzen zait; neskek ezinbestekoak
dituzte eremu guzti-guztietan emakumeen erreferenteak eta era berean, mutilek
maskulinitate berriak ezagutu behar dituzte.
- Benetako berdintasuna eta askatasuna bermatzea;
eguneroko jarreren behaketa eta azterketa. Horietan eskuhartzeak.
Mikromatxismoak detektatu eta eredu egokiak eskaini.
- Eskolako curriculumean feminismoa ikasgaia
izango balitz asko aurreratuko genuke.
iruzkinik ez:
Argitaratu iruzkina