HEZKIDETZA SUSTATZEKO LEGEDIA

Legeak, legedia…. gai potoloa eta sakona aste honetakoa.

Orokorrean hezkuntza komunitatean dihardut lanean, ez daukat hezkuntza eremu zehatzik. Hala ere hezkuntza formalean ikastetxe batean zentratuko naiz nire hausnarketa egitean.

            Ez dut uste hezkidetzaren inguruko hezitzaile lana legeen bitartez justifikatu behar dugunik. Ezin dezakegu uka, legeek bere alde on eta txarrak dituztela. Ona agian, teorian legeak arau batzuk betetzera behartzen gaituela. Gustuko legea badugu eta benetan lagungarri bazaigu lortu nahi dugun hezkuntza komunitatea lortzeko ongi, horrela ezean legea oztopo bat besterik ez da bilakatuko gure bidean. EAEn lege batzuk izan ditzakegu baina Espainiatik beste batzuk datozkigu eta askotan kontrajarriak direnak gainera. LOMCE legea datorkit burura.

Irakurgaian sakonduz, nik uste bai Hezkuntzari Buruzko Lege Organikoak, Emakumeen eta Gizonen Berdintasun eraginkorra lortzeko Lege Organikoak, ikasleen eskubide eta betebeharren dekretuak….orokorrean EAEn dagoen hezkidetzaren marko legala oinarrizko legez betea dagoela. Tristea da lege hauek izan beharra baina tamalez daukagun errealitatea daukagu. Garbi dagoena da, hezkuntza komunitatean urratsak emateko asmoz sortutako legeak badira, legeak betearazteko behar diren adinako bitartekoak eskaintzea dela gakoa.

                                         

              Esaterako, 2013an Hezkuntza Sailak hiru ikasturterako ateratako Hezkuntza sisteman hezkidetza eta genero indarkeriaren prebentzioa lantzeko Gida plana, eskola hezkidetzailera joateko eta indarkeria sexistaren prebentzioa lantzeko bitarteko egokia iruditu zitzaidan. Jarritako helburu estrategikoak eta horiek lortzeko lan ildoak egokiak dira.Bitarteko ezberdinak sortu dira gainera: irakasleentzat oinarrizko formazioak, prestakuntza ezberdinak, hezkidetza irakasleak izendatzea, zuzendaritzetan prozesua gidatzea… urratsak eman dira eta egindakoa ahalegina baloratu eta txalotu nahiko nuke.

 Baina kontuan hartu behar dugu, gida plan bat martxan jartzeko, hezkuntza komunitatearen konpromiso osoa lortzea ezinbestekoa dela, benetan aldaketa kualitatibo bat eman nahi badugu eta hori ez da egun batetik bestera lortzen, egunero egunero egin beharreko lan isila dugu hori. Beraz beste behin, guzti hau gauzatzerako orduan ditugun baliabideak zeintzuk dira? Soilik hiru ikasturterako ateratako gida planak ziurtatuko digu hori?

Goxokia erakutsi eta goxokia ezkutatzea deitzen zaio horri nire herrian.

Nik pertsonalki, Hezkuntza sailak eduki eta lan ildo aldetik ekarpen interesgarria egin duelakoan nago baina ikusten den gisan, ez da lehentasuneko gaitzat hartzen ez da behar adinako diru edota inbertsiorik sustatzen beraz legeak atera ahal dira egunero baina ikastetxeetan bitartekoak behar ditugu, errealitatera egokitutako bitarteko eta baliabideak.

Noski, ez dut soilik instituzioen eta legeen gainean jarri nahi zama guztia, alderantziz, guk legak izan edo ez izan, norbanako gisa eta hezkuntza komunitate gisa erantzukizun handia dugu gure bidean.