JAIAK ETA OSPAKIZUNAK. OSPATZEKO EGUN BEREZIAK!

Neskaren eguna eta Emakumearen eguna aukeratu ditut. Bi egun berezi hauek aukeratu ditut egun esanguratsuak direlako emakumeentzat.

-       Lehendabizikoari dagokionez, oso gutxi ezagutzen den eguna da. Gaurregungo neskek pairatzen duten giza eskubideen aldarrikapenean datza, batik bat. Izan ere,    eskolara joateko eskubidea, bere gorputz fisikoan mutilazioa edota beste kaltea  ez izateko  eskubidea, bere nahia eta errespetua edukitzeko eskubidea ezkontzeko edota beste batekin elkartzeko eskubidea, e.a.

Garatu gabeko herrialde askotan ematen dira honelako egoerak neskengan. Neskek ez dituzte mutilek dituzten eskubide berdinak, ezin dira eskolara joan neskak direlako; bere gorputzaren jabe ez dira, mutilazioak jasaten dituzte; ezkonduak izaten dira interes ekonomiko eta familiarrengatik… Oso egoera latza eta larria ematen ari da eta gutxitan hartzen da aintzat. Mendebaldeko herrialde garatuetan bizi garelako, ez diogu askotan erreparatzen hango nesken egoerari eta prekaritateari. Alerta piztu behar dugu horrelako injustiekin!

Urriaren 11n ospatzen da neskaren eguna.

-       Bigarrenari dagokionez, emakumearen eguna, martxoaren 8an ospatzen dugu. Gaur egun oso ezaguna eta oihartzun handia izaten duena. Egun honekin emakumeek gizonek dituzten eskubide berberak izatea aldarrikatzen da. Emakumea izateagatik gizarte honetan gutxietzita gaude, lan baldintza desberdinak ditugu, soldata desberdinak, lan mundurako aukera urriak, bizitza pertsonalean desberdintasun itzelak, desprestigioa,…

Lehenik eta behin, aitortu beharra dago feminismoak lorpen handiak egin dituela emakumearen eskubideen alde. Gaur egungo gizarte aurreratuan emakumeok lortu duguna hein handi batean mugimendu honi esker da. Hasi boto eskubidea lortzetik, norberaren autonomia izateraino edozein banketxetan. Gure amonek bizi izan zuten egoera gurearekin ez dauka zerikusirik. Etxeko esparruetan murgidurik bizi ziren eta beren bizitza xedea etxeko eta familian oinarrituta zegoen. Gaur egun gauzak, zorionez, asko aldatu dira. Emakumeok lan mundura ere iritsi gara eta honek ekonomikoki askatasun handia eman digu baina, zoritxarrez, baldintzak ez dira berdinak. Egun gizon eta emakume lan berdina egiteagatik soldata desberdina jasotzen dugu emakumeok, gutxiago eta baldintza  okerragoetan. Zapalduta gaude gizonezko mundu batean bizi garelako. Bizi garen gizarte androzentriko honetan gizonak dira botere dutenak eta beren arauen menpe bizi gara. Esparru publikoan parekotasun handiago dagoela esan badaiteke ere, eremu pribatuan emakumea izatearen desabantaila agerian gelditzen da.

Hemengo herrialde garatuetan emakumea lan mundura iritsi da baina garatu gabeko herrialdeetan oraindik emakumearen egoera askoz ere larriagoa da. Esate baterako, herrialde musulmanetan emakumeek askatasunik ez dute, gizon baten menpean bizi dira eta gainera, kultura horretan murgildurik bere gorputzaren mutilazioak ere jasotzen dituzte inongo baimenik gabe, hango legeek hori babesten baitute.

Nire ustez, egoera hauek gainditzea oso zaila da egun batetik bestera aldaketa radikalak emateko baina urratsez urrats lortzen joan daiteke. Kontzientzia da lehenengo urratsa. Hezkuntzan dihar dugun guztiok horren konziente izan beharko ginateke eta gure inguruko eskolako eragile guztiei hori zabaldu eta berri eman. Sentsibilizatzean eta konziente izatean gaiarekiko lehenengo hurbilpena da. Era bortitzean inposatzeak frentismoa ekartzen du eta hori baino, erakarri egin behar da. Geureak egiteko konplizitateak bilatu beharko lirateke. Horretarako, Kanpainak oso positiboak izaten dira.

Ikasleak dira gure lehenengo jasotzaileak baina ez ditugu ahaztu behar gurasoekin eta beste irakasleekin ere lan handia egiteko aukera dugula. Eskolan garatzen ditugun hainbat baloreetan oinarritutako hezkuntza hizpide izanik gizarte justuago  baten bila joan behar dugu denok.

Eredu positiboak eta eraikitzaileak eman, aliatuak eta konplizeak bilatu eta aurrera egin begirada justuago baten bila. Geroa oraina baino hobeagoa izango delakoan nago.

Konplizitate hori lortzeko bideo hau ipin daiteke: https://www.youtube.com/watch?v=afZa5wesfE8