2015/12/20

Errepresentazioa eta denboraren erabilera



Bigarren bloke hau: “Emakumeen ekarpenak eta presentzia” izeneko honetan “Errepresentazioa” dugu aztegaia. “Aipatzen ez dena ez da existitzen, ez da errekonozitzen”  kontuan harturik, ahanzturatik berreskuratu behar dira emakumeen aztarnak oroimen sozialaren partaideak izendatuz. Emakumeen presentzia areagotu behar da eremu desberdin hauetan:

·      Espazio fisikoetan

Hiriak
Gaur egun, gure erri eta hirietan, emakume-izena duten kaleak %10 baino gutxiago dira, eta horietatik gehienek santa edo ama birjina baten izena hartzen dute. Kaleen izenak, plazenak, parkeenak, eraikin esanguratsuenak eta espacio publikoan ageri diren ikonoak izendatzerakoan/sortzerakoan emakumeen presentzia sinbolikoa areagotu egin behar da.

Hiria ekoizpen-ugalketa binomioaren arabera diseinatu den heinean sexista eta diskriminatzailea da” Teresa Del Valle antropologoak esandakoa haintzat harturik,  espazioen konfigurazioan eta segurtasun pertzepzioan: gune ilunak identifikatu, aztertu eta hobekuntza proposamenak martxan jartzea ezinbestekoa da.


Eskolak
Ikastetxetan “gune debekatuak” daude neska / mutilentzat? Ikasgelak, pasabideak, jantokia, aldagelak … ikasle guztiek  konpartitutako espazioak dira. Orokorrean berdintasunean ematen da toki hauen erabilera sozializazioa eta elkarbizitza garatuz.

Patioko diseinuan futbol eta saskibaloi zelaiak dira espazio handiena okupatzen dituztenak eta baloiak inbaditzaileak diren heinean horren erabilera kudeatu beharko da. Erdiko edo bazterreko espazioen okupazioa, ematen diren jolas mota / harremanak, hezkidetzaileak diren bermatzeko ardura dugu “patioa jendartzerako espazio publikoa bat delako”.



Komunak
Genero logika binarioa gainditu eta zutik (mutila) / eserita (neska) dikotomia apurtu behar ditugu. Amelia Barquinek luzatutako hausnaketak komunen erabilerari buruzkoak oso berritzaileak izan dira. Berdinatsuna bultzatu nahian, ikastetxean komunaren erabilera eserita egitea oso proposamen egokia dela baiezta daiteke.


Etxeko eta kaleko komunak ez dira berdinak. Zergatik? Erabilera pribatua eta publikoa desberdina direlako. Zalantza aurrean irakurgarri interesgarria dugu Beatriz Gimenok osatua.


·      Espazio birtualetan
Bizitza hiperkonektatu honetan garrantzi handikoa da internetek eskaintzen dituen aukerak aprobetxatzea eta sexismoa salatu eta erreproduzitzen ez dutenekin konektatzea eta eredu berriak zein ez estereotipatuak bistaratzea.
 
Harreman sozial birtualak sortu, kudeatu eta bizitzeko era berrietan murgildu behar honetako hedabideak, gazteentzako atariak, bideoblogak, … pertsonen errepresentazio ez estereotipatuak bistaratzeko saiakerak, pentsaera kritikoa eta salaketa zuzenak ahalbideratzeko hautuak, interakzioa eta partaidetza zuzena bilatzen eta sustatzen dutenak oso garrantzitsuak dira bilduma honetan jasota dauden guneak.

Teknologiak eskeintzen dituen aukerak ezagutzea ezinbestekoa bada ere, emakumeen jabekuntza eta talde-antolakuntza sustatzeko gaitasunak lantzea garrantzi handikoa da internet eta sare sozialak beldur gabe erabiltzeko.

·      Denboraren erabilean
Denboraren erabileran jedarteratze sexistaren eragina nabaria denez, desberdinkeriak detektatzea, kontziente egitea eta aldaketetarako bideak irekitzea xedeak ditugu eskola hezkidetzailean aritzen ari garenok.

 .................................................................................................

Aurreko guzti hau laburtuz, begirada kritikoa martxan jarrita Hezkuntza sistemaren erantzunkizuna :
     - ikasleei kontsumitzen dituzten entretenimendu bisual desberdinetan sexu-genero estereotipoak zalantzan jarri eta deseraikitzeko ikus-entzunezko alfabetizazioa eta literarioa eskaini
       - eredu berdinkideagoak, aniztagoak erakusten dituzten ikus-entzunezko ekoizpenak eta literarioak bistaratu.






“Berdintasunaren aldeko jarrerak, lehenik eta behin, gure mundo hau antolatzeko bestelako era bat proposatzen du, banakoen garapen indibidualaren gainetik, gizarte guztiaren aurrerapenaren alde egiten duena”  (Izaskun Landaida)

iruzkinik ez:

Argitaratu iruzkina