CURRICULUMA ETA BALIABIDE DIDAKTIKOEN INGURUAN HAUSNARTZEN

Zer da kurrikuluma?

Ikaskuntza-prozesu bat osatzen duten helburu, gaitasun, metodo eta ebaluazioen multzoa da.

Ikasleek ikasteko, eskolak eskaintzen dion guztia da curriculuma. Eskolak bere eskaintza emateko dituen baliabideak. Irakaskuntza-ikaskuntza prozesua eta lortutako emaitzak ebaluatzeko erak.

Michel Foucault-en esanetan, jakintza eta boterea bi arlo desberdin izan arren, erabat loturik azaltzen dira. Botereak bere pentsaera transmititzeko erabiltzen du curriculuma.

Zer dira baliabide didaktikoa?

Irakaskuntza/ikaskuntza prozesuari laguntzeko erabil daitezkeen materialak eta

baliabideak dira. Beren funtzioa irakaskuntza/ ikaskuntza hobetzea da, bereiziki ikaskuntza prozesua aktiboagoa, motibagarriagoa eta atseginagoa izanik.

Curriculum hezkidetzailearen iturburuak ikusi ditugu:

Iturburu soziologikoa: Gizarteak hezkuntza sistemari egiten dizkion eskariak dira. Prozesu horren bidez, ikaslea sistemari egokituko da eta sistemak bere horretan iraungo du.

Iturburu psikologikoa: ikasleen garapenari buruzko informazioa ematen du (psikomotorea, kognitiboa, afektibo-soziala eta morala).
Adinaren, ezaugarri psikofisikoen, egoera emozionalaren ... arabera, ezagutzak nola hartzen eta lantzen dituen emango du aditzera.

Iturburu pedagogikoa: oinarri teorikoak eta esperientzia praktikoak.
Hezkuntza-interbentzioak ikasleek ikasketa esanguratsuak egitea izan behar du helburu nagusitzat, hau da, ikasleak ikasteko gai izatea.

Iturburu epistemologikoa: ezagutza zientifikoak, lan metodoak eta aplikazioak.

Jardueraren inguruan aurkitutako dokumentu interesgarriak:

Generoa eta Curriculum ezkutua

Hezkidetzaeuskal curriculumean genero ikuspegitik

Ikastetxean landu beharreko erronkak:

Zentzu horretan, curriculumaren izaera hezkidetzailea bermatzea ezinbestekoa dugu ikasle bakoitzaren identitate pertsonala era integralean garatzeko.

Lehenik eta behin azterketa bat egingo genuke, nolako baliabideak erabiltzen ditugun jakiteko. Horretarako beharrezko diren eta iada sortuak dauden tresnak, fitxak, adierazleak, galdeketak erabili ditzazkegu edota egokiago izan ezkero guk geuk ere sortu ditzazkegu. Erabiltzen ditugun materialek ze eduki duten, nolako hizkuntza erabiltzen dugun, ze jarrera eta balore bultzatzen ditugun, espazioaren eta denboraren antolaketa eta kudeaketa nola gauzatzen dugun, nolako harremanak eraikitzen ditugun, ze metodologia erabiltzen dugun.... Behin diagnosia, azterketa eginda, beharrezko diren neurriak, bitartekoak erabiliko genituzke, ditugunak moldatuta, egokituta edota behar izan ezkero sortuta.