2016/02/05

IDENTITATEEI BURUZ HAUSNARTZEN


Identitatearen eraikuntza prozesu konplexua da;  alderdi biologikoak, sozialak, kulturalak, psikologikoak eta baita politikoak ere barneratzen baititu. Identitatea,  beste pertsonengandik bereiztea eta, aldi berean, talde baten partaide izatea ahalbideratzen duten ezaugarriei edo alderdiei dagokie. Beraz, Identitatea eraikuntza pertsonala eta banakakoa da, baina baita eraikuntza soziala ere. Genero identitatea aztertzean sexu identitatearekin topo egiten dugu: Sexu identitatea, Baldintza biologikoetan oinarritutako identitatea da, haur bati bere genitalen eta ezaugarri fisiologikoen arabera ematen zaion lehena. Genero-identitatea norbera gizon, emakume edo bestelakorik izatearen pertzepzio subjektiboari dagokio.


Patriarkatua eta heteronorma gure identitateak eraikitzeko prozesuan daude. Egitura- piramidala hegemoniko  eta  baztertzaile honek beraz, identitate garapenaren prozesuan  baldintzatzen  gaituelarik, heteronorma eta genero bitartasun sistema soilik indartuz eta normalizatuz,   identitateen aniztasuna baztertuz.
Ikasketa feministek identitate anitzak daudela azaleratu dute ,  ez dutela izaera egonkorra eta urtetan zehar aldatuz joan daitezkeela.  Identitatea prozesu irekia, etengabeko eraikuntza gisa ulertzen da.






Heziberri 2020 izaten ikasteko konpetentzia; “bizitzan zehar agertzen diren sentimendu, pentsamendu eta ekintza pertsonalez gogoeta egitea eta haiek sendotzea eta egokitzea, haien gaineko balorazioaren arabera, bere burua etengabe hobetuz pertsona osorik errealizatzeko.”

Eskura izan dudan tutoretza planaren helburuen artean 2. DBH-koan , hain zuzen ere, , “Hezkuntza afektibo sexualaren gaiaren barnean norbere ezagupena eta garapen pertsonala lantzea” jasota dago, helburu hau lantzeko jardueren artean, ikasleek  4 orduko tailerra egiten dute .
Ildo hau jarraituz, hezkidetza proiektuaren bitartez maiatzaren 17an,  Lesbofobia, Homofobia, Transfobia eta bifobiaren kontrako eguna ospatzen denez, sexu aniztasunaren gaia lantzen da tutoretza eta beste irakasgaietan (aurreko asteetan eta egunerako jarduerak prestatzen direlarik), aurtengo ikasturtea hirugarrena izango da egun honen inguruko jarduerak antolatzen direla.
Datorren ikasturterako Berdindukoekin klaustro osorako formakuntza saioa antolatu da, irakaslegoa honen beharraz jabetzen ari delako.

Ikastetxearen Hezkuntza Proiektua berriztatzen gabiltza ikasturte honetan, eta sexu aniztasunaren trataera bermatu beharra dago, beraz, hezkidetzaile bezala definitzen den proiektuan  identitate guztien aldeko hezkuntzaren aldeko adierazpena jaso beharko du.


http://www.bideometa.net//node/79022/browser_bideoa?is_hide_h1=1





iruzkinik ez:

Argitaratu iruzkina