Feminismoak indarkeriaren egiturazko kausak zehaztean, indarkeria matxista terminoaren
erabilera bultzatzen du, azaldu nahi delako gizonak direla eragileak eta
matxismoa bera dagoela horren jatorrian.
Kontzeptu honen
barnean daude egitura-indarkeriatik hasi eta indarkeria sinbolikotik jarraituz, indarkeriaren manifestazio guztiak: sotilak direnak
eta esplizituak direnak ere bai;
ikusteko zailak direnak eta begi bistan errekonozitzen direnak: (hizkera
sexista, mikromatxismoak, kontrola, umore eta txiste matxistak, publizitate
sexista, inbisibilizatzea, baliogabetzea …), (mespretxuak, umilazioak, xantaia
emozionala, errudun sentiaraztea, alde batera utzi, oihuak, irainak, mehatxuak,
sexu-erasoak, eraso fisikoak, bortxaketak, eta erailketak).
Indarkeria matxistaren arriskuan daude
emakumeak, baita ‘andreak menderatzen dituen gizon’ izateko arautik ateratzen
diren gizon guztiak ere”.
Hortaz, emakumeen “ezaugarriak” (genero estereotipoari lotutakoak) erakusten
dituen edozein pertsona indarkeria matxistaren objektua izan daiteke.
Maskulinitate
hegemoniko ereduari jarraitzen ez dioten gizonek, agindu heterosexual
normatiboa betetzen ez duen edonork, edota sexu zein genero dikotomiak zalantzan
jartzen dituzten pertsonek indarkeria matxista jasaten dute.
Baina indarkeria
matxistaz aritzen garenean, emakumeengan jarri ohi da ardura indarkeria
matxista gainditzeko, nahiz eta indarkeria matxista arazo politikoa izan;
hortaz, guztion ardura da eta ezinbestekoa da gizonek duten erantzukizuna onartzea.
Indarkeria matxistarik gabeko jendartea sustatzeko beraz, bi estrategia, gizonen
inplikazioa maskulinitate heterosexual
hegemonikoa interpelatuz eta autodefentsa
feminista lirateke.
Honekin lotuta, indarkeria
matxistaren desikasketarako hiru lan ildo proposatu daitezke:
1. Maitasun erromantikoaren mitoen eta ideologiaren deseraikuntza.
2. Mikromatxismoen identifikazioa eta salatu-gainditzeko esku-hartzea.
3. LGTBQ+fobiak bistaratzea
eta aniztasunaren ereduak baloratu, plazaratu eta normalizatzea.
Lehen proposamen honetarako, duela gutxi, deskubritu nituen
guretzat txikitan hain ezagunak izan ziren hainbat libururen bertsioak,
bigarren aukera batekin, eta euskaraz ere badaude!!
Adibide gisa: Sirenatxoak, oraingo honetan, ez dio maitasunaren truke uko egingo bere nortasunari, eta inork ez dio eskatuko ere hala egin dezan.
Era berean, maskulinitate heterosexual
hegemonikoa interpelatuz, gizonen inplikazioa bilatzeko estrategian, gure ikastetxeetan
betetzeko moduko erronka litzateke ikasle mutilekin estereotipo maskulinoak
mugatu egin dizkien hainbat konpetentzia garatzea:
● Emozioen arloa: mutilak emozioekin kontaktuan jarri, onartu, bizi
eta era positiboan kudeatzen ikastea funtsezkoa da. Sentimenduak eta emozioak adieraztea, ahulak izateko eta ahul agertzeko
eskubidea ...
● Zaintzaren esparrua: mutilek duten erantzukizuna -bere buruekiko, ume-, gaixo-, nagusi-, laguntza
behar duen ororekiko zein inguruarekiko- onartzeko eta konpetenteak izateko erremintak
haien eskuetan jartzea.
● Indarkeria
matxistak: hauen aurkako jarrera
aktiboa sustatzea. Orokorrean mutilak indarkeria matxistaren
desagerpenaren alde agertzen dira, baina beraiei ez dagokiela pentsatu ohi
dute: bere adinetik urrun ikusten dutelako emakumeen arazoa dela uste dutelako
edo ezin dutelako eraginik duen ezer egin.
Ahaztu gabe dena den, mutilekin ez
ezik, badagoela zeregina:
a) Hezitzaileei begira: arazoaren dimentsioaz kontzientzia
hartzea, esku-hartzearen eraginkortasunaz jabetzea, modu transbertsalean
lantzea eta autodefentsa feminista tailerren eskaintza orokortzea.
b) Neskei begira: beldurrik gabe zein beldurretik aske heztea,
nahi duten bizitza eraiki eta askatasunez bizi eta gozatzeko. Horretarako, autodefentsa
feminista tailerren eskaintza orokortzea sustatuko du eta nesken esku jarriko
ditu hainbat garapen eremu eta konpetentzia.
ETB1eko Ur Handitan saioan (Jaime Otamendirekin,) guk aste honetan jorratu dugun gai honi buruz aritu ziren,
EZBerdin izenburupean, eta oso-oso interesgarria iruditzen zait bertan agerturiko guztia!!
Luzea izan arren, merezi du ikusteak!!!
http://www.eitb.tv/eu/bideoa/ur-handitan/4104533806001/4222843036001/ezberdin/
iruzkinik ez:
Argitaratu iruzkina