PARTAIDETZA PAREKIDEA
PAREKIDEA
HEZKIDETZAILEA
SORTZAILEA
GAITASUNA
ARAUTUA
ESKUBIDEA
ERALDATZAILEA
ELKAR-LANA
MOTIBATZAILEA
ANITZA
ANTOLAKETA
Partaidetzaren esanahia Parte hartuz elkarteak honela
definitzen du: “Pertsonen komunitate bat
antolatzeko eta mobilizatzeko prozesua da, eta, berorren bidez, eragile- edo
subjektu-funtzioa hartzen dute pertsona horiek beren gain, kolektibo horren
etorkizunari begira”.
Parte hartzeak
hainbat eskubide sustatu eta hainbat eginbehar eskatzen ditu eta parte hartzea indibiduala (modu pertsonalean egiten
dena) edo kolektiboa (pertsona talde
batek elkarrekin lan egiten du helburu komun batzuekin) izan daiteke. Bestalde,
parte hartzea garatu daitekeen ahalmena da eta garatzeko baldintza batzuk hartu
behar ditugu kontuan (Equipo Claves-en arabera) :
1.- Parte hartzen jakitea: Hori gauzatzeko ezaguera, trebetasunak eta
gaitasuna izatea.
2.- Parte hartu ahal izatea: Parte hartzean oinarritutako
diagnostikoaren eta plangintzaren ikuspegietatik eraikitzeko, erabakiak
hartzeko eta horiek kudeatzeko aukera emango duten foroak sortzea.
3.- Parte hartu nahi izatea: Motibazioa, gogoa, ilusioa, beharra, … pertsona bakoitzak dituen ideia , interesekin
lotuta dago.
Dena den, partaidetzan aritzeko eta partaidetza parekidea
izateko sexu genero estereotipoek mugak jartzen dituzte hemen ere. Egia da
azken urte hauetan emakumeen partaidetzak eremu ezberdinetan gora egin duela baina oraindik partaidetza
parekatua izateko estereotipo horiekin, sistemak ezartzen dituen rolekin
apurtzea beharrezkoa da, emakumeen presentziaz eta ekarpenaz jabetzea, eremu
publikoetan emakumeak bistaratzea, emakume-ereduak zabaltzea, … . Hala ere,
parte hartzea garatu daitekeen ahalmena da eta horretarako parte hartzen
irakatsi, parte hartzeko aukerak eman eta parte hartzera motibatu egin behar
da.
Nire ingurunera mugatuz, hau da , hezkuntza
eremura, gure eskolan
Ikasleen Partaidetzarako
Antolaketa sortu dugu. Oinarrizko Hezkuntzaren xedeen artean honako hau dugu : Ikaslea helduarorako
prestatzea, bizikidetza harmonikoago bat lortzeko eta gizarte justuago eta
ekitatiboago bat eraikitzeko konpromisoa duen gizabanako gisa bete-betean
bizitzeko gai izan dadin, gizarte anitz eta global bateko kide aktibo gisa, eta
naturaren kontserbazioarekin eta garapen jasangarriarekin konprometitutako
pertsona gisa”. Beraz,
eskolari dagokio ikasleak partaidetzarako prestatzea, dagozkien eginkizunetan
parte hartzeko behar dituzten modu eta mekanismoak eskainiz. Hori da hain
zuzen, Ikasleen Partaidetzarako Antolaketarekin (IPA) lortu nahi duguna,
dagozkion ardurak eskainiz, ikasleria eskolako bizitzaren eragile aktibo eta
protagonista bilakatzea. Hau da,
ikaslea, partaidetza aktiboa gara dezan hezitu behar dugu, betiere, bizi duen
genero-sozializazioa kontuan hartuz eta honek inposatzen dituen arauak, genero
estereotipoak apurtuz.
Iazko
post hau aukeratu dut , euskarri eta baliabide ugari eta erabilgarriak
eskaintzen dituelako :
Eta azkenik ingurune hezitzailean erabiltzeko baliabide bat
honako hau da aukeratu dut :
Partaidetza: gurekin bada, izango da. http://www.hikhasi.eus/fitx/fitxategiaJeitsi.php?id=775&emota=1&dok_id=1852
iruzkinik ez:
Argitaratu iruzkina